Loksins alvöru forysta í verkalýðsfélagi á Íslandi í langan tíma.

Textavarp RUV.

 VR vill helminga laun sjóðsstjóra. Stjórn VR hefur samþykkt að stjórn      Lífeyrissjóðs verzlunarmanna lækki laun framkvæmdastjórans, Guðmundar Þ.        Þórhallssonar, sem allra fyrst.  Guðmundur er með 41,5 milljónir í       árslaun, um 3,5 milljónir á mánuði. Ragnar Þór Ingólfsson, formaður VR,     vill lækka launin um helming, svo þau séu ekki hærri en laun ráðherra. Ragnar lagði til við stjórn VR í ársbyrjun að sett yrði þak á laun framkvæmdastjóra   Lífeyrissjóðs verzlunarmanna og þau lækkuð umtalsvert. Tillagan var         samþykkt. VR á helming fulltrúa  stjórnar lífeyrissjóðsins og væntir     Ragnar þess að þeir gæti hagsmuna VR í lífeyrissjóðnum og fylgi eftir          samþykktum stjórnar. 

Í forystu VR er loksins kominn einstaklingur sem RAUNVERULEGA vinnur fyrir 
skjólstæðinga sína er ekki upptekinn af hleðslu undir eiginhagsmuni og 
forréttindavörn.  Einhversstaðar þarf viðsnúningurinn að byrja og Íslendingar
sem þjóð að snúa af braut sérhagsmuna og ofurlauna ef það á að vera hægt að byggja
það þjóðfélag sem við höfum sem þjóð lýst yfir að við viljum byggja.
Heilbrigðisþjónusta,menntun og almenn velsæld er markmiðið ef marka má
skoðanakannanir .  Áfram VR lítil þúfa getur velt þugnu hlassi.

Reiði.

Skólastjórnendum er gert að reka skólana innan fjárheimilda.

Skólastjórnendum er skylt að afhenda þeim sem eru í áskrift að mat,þá vöru sem þeir hafa greitt fyrir.

Ef skólastjórnendur ætla að hafa umframmatarbyrgðir til handa einnhverri óræðri stærð til sölu í skólanum þá kostar það pening.  Er Dagur tilbúinn að láta borgarbúa greiða fyrir þann kostnað?

Borgarstjóri hefði átt að leita skýringa fyrst, áður en hann lét reiðina gera sig að kjána opinberlega og gera þannig lítið úr sjálfum sér.

 

 

Fauk hressilega í borgarstjóra

Já þegar skera skal niður og láta Jón og Gunnu éta roð og drekka vatn.

Þá er um að gera að fjölga í sveitarstjórnum :-)  he eh eh eh hh  

Vilja að borgarfulltrúar verði 61

Gleðilega páska ?

Krónan okkar í frjálsu falli og erlendu lánin í hástökki sem engin sér fyrir
hvernig endar. Kjarabætur sem samið er um eru horfnar áður en fyrsta útborgun kemur og verðbólgan er að skríðu úr híði sínu og eflist með hverjum
deginum sem líður. Verðbólgan er ekki lengur draugur, heldur sprellifandi
tröll sem hótar að éta allt upp sem fyrir augu þess kemur með einhverju lífsmarki.

Ég kenni í brjósti um fólk sem hefur tekið erlend lán í milljónavís og trúi
að margir eigi erfiða daga nú um stundir. Ég þakka fyrir þau góðu ráð sem
afi minn og amma kenndu mér , að " græddur er geymdur eyrir " ! Við hjónin
áttum því láni að fagna nú rétt fyrir áramótin að við vorum búin að öngla saman fyrir nýrri Toyota Avensis og skelltum okkur í þau viðskipti.
Fyrir lærdóminn af ráði afa og ömmu þá gátum við staðgreitt bílinn úr eigin vasa og þurftum enga krónu að taka að láni. Síðan þessi viðskipti áttu sér stað í desember síðastliðnum, þá hefur ökutækið hækkað í verði um 300.000 og sér ekki fyrir endann á því.
Það er alveg öruggt að það marg, MARG borgar sig að sýna þolinmæði og spara fyrir dýrari hlutum ef þess er nokkur kostur. Þú færð vexti á sparnaðartímanum á spariféð og sleppur við mikinn kostnað sem fylgir lántökum.

Á þessum sömu tímum sitjum við uppi með borgarstjórn sem sóar peningum í gæluverkefni líkt og kaup á húsunum við Laugaveginn þar sem hver fermeter var keyptur á yfir 700.000 krónur . Þetta er ekkert nema bruðl og ógerningur
að réttlæta það. Borgarstjóri er ugglaust vænn maður, en með þessum meirihluta gróf hann sér pólitíska gröf sem hann mun ekki geta kraflað sig uppúr. Vilhjálmur hefur gengið framaf flestum sem með Rei málinu hafa fylgst. Hann virðist samviskulaus þar sem hann situr áfram í borgarstjórn þrátt fyrir afglöp í þjónustu við borgarana. Síðan fullkomnar hann gjörning sinn með því að ætla aftur að setjast í borgarstjórastólinn. Ég vorkenni Vilhjálmi og Ólafi þessa lélegu dómgreind sem þeir þurfa að lifa með, en er svekktur og reiður sem borgari í þessu landi og íbúi í Reykjavíkurborg.

Ég er raunar líka svekktur með Samfylkinguna sem nú nuddar sér utaní Sjálfstæðisflokkinn og stendur vörð um spillingaröflin í opinberum ráðningum
þess spillta flokks. Það þarf hér öfluga vinstri-stjórn en enga Framsókn takk.

Eigum nú gleiðilega páska :-)

Tónleikar og pólitík

Frábært framtak hjá Kaupþingi, takk fyrir þessa frábæru skemmtun.  Todmobil, SSSÓL,Mugison, Bubbi,Stuðmenn,Nylon og nýja strákasveitin.. frábært listafólk allt saman. Garðar stórtenor er náttúrulega á heimsclassa... og Palli er bæði drottning og kóngur í senn,, er það ekki ? Bubbi er sannur sjálfum sér og talaði örugglega fyrir alla þjóðina þegar hann kallaði eftir ábyrgð ráðherra sem engin hefur verið til þessa nema í örfáum undantekningartilfellum.  Þeir fá há laun m.a. vegna ábyrgðar sem þeir eru sagðir bera, en þegar á reynir er ábyrgðin engin.  Fólk ætti að fara niður á Austurvöll og mótmæla ábyrgðarleysinu og öðru bulli sem þessi æðsta stofnun landsins sem setur okkur lög og reglur hefur sýnt af sér.  Hvernig á þjóðin að geta borið viðringu fyrir Alþingi þegar einstaklingar innan þess komast upp með hvaða bull sem er.  Kosninar á 4. ára fresti er ekki nóg til að gera upp sakirnar.  Hvar eru siðareglur alþingismanna og ráðherra?  Eru þær einhverjar.  Væri t.d. ekki ráð að setja reglur um það að alþingismaður sem brýtur af sér í opinberu starfi og hlýtur dóm fyrir skuli ekki eiga tök á að bjóða sig fram á ný til ábyrgðarstarfa fyrir þjóðina? Hann ætti að finna sér annan starfsvettvang.

En þessir tónleikar voru mega góðir  :-) 

Aldrei fleiri á Laugardalsvelli